Непознато лице денеска од возило во Илиџа пукало во возач на друг автомобил, кој во таа прилика бил ранет, соопшти МВР на кантонот Сараево.
Ранетиот е пренесен во Клиничкиот центар во Сараево, каде му е укажана лекарска помош и се утврдува степенот на повредите.
На местото на инцидентот се наоѓа превртен автомобил Порше.
„Според моментално достапните информации, непознато лице од возило употребило огнено оружје против возачот на друго возило, при што го повредил и го напуштило местото на настанот. Повредениот има 44 години, му се укажува помош и се утврдува степенот на неговите повреди. Полицајците се на терен“, изјави Мерсиха Новалиќ, портпаролка на МУП.