Трет ден продолжува битката за гаснење на шумските пожари во западниот дел на областа Атика, поширокиот регион на Атина и во поширокото подрачје на Лутраки на Пелопонез, кои се уште не е ставени под контрола.
Од пожарите уништени се домови и предизвикана е материјална штета, иако сè уште не е официјално познат обемот на штетата.
Портпаролот на противпожарната служба на Грција Василис Ватракојанис рано утрово информираше дека „сите сили на цивилната заштита се бореа во текот на ноќта и продолжуваат да дејствуваат на сите фронтови на пожарите“.
In #Greece, firefighting efforts continue in the Athens suburbs, as several forest fires have forced villages, summer camps, and nursing homes to evacuate. Parts of Greece are expected to see temperatures as high as 44 ℃ this week, threatening new wildfires. #Planetmatters pic.twitter.com/2jTkATNSfF
— CGTN Global Watch (@GlobalWatchCGTN) July 19, 2023
Во пожарот што во понеделникот започна од Дервенохорија, област на границата помеѓу регионите Виотија и Атика и се прошири во западниот дел на Атика, а сега е активен во Мандра на околу 40 километри од центарот на Атина, според Ватракојанис интервенираат копнени сили, а со разденувањето распоредени се пет авиони и осум хеликоптери, од кои еден за координација.
Воздушни средства, односно четири авиони и три хеликоптер, заедно со копнени сили го гаснат и пожарот кај Лутраки на Пелопонез, а во тој дел, акцентот е ставен и на жариштето во близина на рафинеријата.
´Ετσι για να έχουμε μια εικόνα πόσο «εύκολο» είναι για τα πληρώματα των Chinook και των CL…@HAFspokesperson @HAspokesman @hndgspio #fire #φωτια pic.twitter.com/mfeUI7TcFf
— Kostas Sarikas 🇬🇷 (@SarikasKostas) July 18, 2023
Портпаролот на противпожарната служба на Грција објасни дека во гаснењето на пожарите помагаат и четири авиони од Италија и Франција кои вчера попладне пристигнаа во земјата.
Паралелно во Грција, од вчера попладне, активен е уште еден пожар, на островот Родос, меѓутоа, засега не претставува опасност за населените места.
Интервенираат 86 пожарникари со три пешадиски тима и 28 возила, три авиони и три хеликоптери.