Во неколку градови во Црна Гора, од денеска повторно продолжија собирите во знак на протест против новиот Закон за слобода на вероисповед.
Собирот во главниот град Подгорица започна со молитва во храмот „Христовото воскресение“ од каде и започна литијата низ улиците во градот, а сето тоа беше организирано од страна на СПЦ.
По 18 часот во Беране почна првата протестна литија.
Berane. Prva litija danas. Poslušasmo Veljovića… pic.twitter.com/ahmp5JqHMU
— Milutin Mico Sekulovic (@MicoSekulovic) June 14, 2020
Централната литија во Подгорица беше предводена од страна на митрополитот црногорско-приморски, Амфилохије Радовиќ.
Пред храмот во главниот град можеше да се забележи големото знаме „тробојка“, а учесниците на собирот извикуваа „Не ги даваме светињите“.
Според порталот „Вијести“, во текот на литијата се случил и инцидент помеѓу двајца учесници на собирите, но истото било веднаш спречено од редарите.
Протестите беа организирани во повеќе градови како: Бар, Будва, Даниловград и Плужине, пренесе националната телевизија на Црна Гора.
Moleban Niksic. Ustala je Crna Gora!!! pic.twitter.com/URamb2ooQB
— Nebojsa Medojevic (@NebojsaMedojevi) June 14, 2020
Движејќи се низ црногорските улици, верските лидери укажаа дека биле запазени и мерките за превенција против коронавирусот со држење на дистанца помеѓу верниците и дека нема прекршување на истите, иако на фотографиите може да се види дека народот не држи соодветно растојание и не носи заштитни маски.
Црногорските власти нагласија дека сите собири кои претходно ќе бидат уредно пријавени, истите ќе бидат обезбедувани од страна на полицијата.