Обилните врнежи од дожд предизвикаа поплави во неколку општини во Косово, на некои места нема струја ниту вода за пиење, а многу семејства се евакуирани.
Поплавени се неколку улици во Приштина, а сообраќајот е отежнат.
Во Малишево, поради дождот што паѓа веќе 24 часа, улиците се поплавени во некои делови од градот, а општинските власти апелираа до граѓаните да не се движат непотребно.
Kosovo’s Hydrometeorological Institute warns that continuous rainfall has caused local flooding in parts of western and central Kosovo, including Gjakova, Junik, Deçan, Malisheva, Rahovec and Klina.
More rain is expected in the coming days, raising the risk of further floods. pic.twitter.com/liDgveVzMc
— RTK – Radio and Television of Kosovo (@rtklivecom) January 6, 2026
Многу патишта се блокирани од вода поради надојдените реки и потоци, што го отежнува сообраќајот.
Евакуирани се 20 семејства во општина Глоговац.
Поради обилни врнежи од дожд и опасност за трафостаницата во Глоговац, електричната енергија во Глоговац, Малишево и Ораховац е исклучена.
Во некои делови од Ѓаковица, нивото на водата стигна до прозорците на куќите, а водата навлезе и во некои куќи.