Музичарот Ѓорѓе Балашевиќ беше погребан денеска на Градските гробишта во Нови Сад.
Легендарниот панонски морнар бил испратен на вечно почивање без присуство на свештеник. Балашевиќ беше погребан со песната „Оливера“ посветена на неговата сопруга.
Од капелата до гробното место, тамбураши ги свиреа песните на Балашевиќ.
Само најблиското семејство беше во тажната поворка, како и градоначалникот на Нови Сад, Милош Вучевиќ и градоначалникот на Љубљана.
Сакајќи приватно да се простат со ненадејно починатиот сопруг и татко, семејството ангажирало обезбедување, кое ги затворило сите влезови на гробиштата.