Продолжуваат протестите пред албанскиот парламент, каде што граѓаните се собраа против албанскиот премиер Еди Рама и неговата влада, одговарајќи на повикот на организаторот за одржување протест паралелно со пленарната седница на собранието.
Според албанските медиуми, полицијата употребила солзавец, и водени топови.
BREAKING 🚨 – Massive clashes outside the Albanian Parliament! The situation escalated dramatically after police fired tear gas at protesters throwing eggs. Dozens of detentions and injuries reported. #flamingorevolution #Albania 🇦🇱🦩 https://t.co/Bg7qSE9vOZ pic.twitter.com/v8qIiOMebU
— Tirana Report (@Tirana_Report) July 2, 2026
Граѓаните се собираат пред собранието од раните утрински часови, а веднаш по почетокот на седницата околу 10 часот наутро, беа регистрирани првите инциденти, вклучувајќи фрлање јајца и брашно врз пратениците и обиди за пробивање на полицискиот кордон, пренесува Коха.
Граѓаните носеа транспаренти со пораките „Време е за будење“ и „Една нација, еден глас, една иднина“, додека некои демонстранти влегоа и во блискиот ресторан каде што беа пратениците и ги гаѓаа со јајца и брашно.
The police responded with widespread violence today, on the 33rd day of protests in Albania, where demonstrators are demanding the resignation of Prime Minister Edi Rama and his government.#Tirana #Albania pic.twitter.com/ygGr0prR9f
— Isa Myzyraj (@IsamyzyrajAlb) July 2, 2026
Ситуацијата дополнително ескалираше по завршувањето на пленарната седница, кога демонстрантите ги блокираа влезовите и излезите на парламентот, спречувајќи го поминувањето на службените возила.
За да се воспостави контрола врз ситуацијата, полицијата интервенираше со употреба на солзавец и водени топови, формирајќи безбедносен коридор за возилата да излезат од зградата на парламентот, објавува „Албанска пошта“.
По интервенцијата, беше можно да се повлечат службените возила, вклучувајќи го и возилото на претседателот на Парламентот Ник Пелеши.
За време на интервенцијата, се појавија нови тензии, а демонстрантите извикуваа слогани и фрлаа предмети кон полициските сили, додека полицијата приведе неколку лица, но официјалниот број на приведени не е објавен.
Според медиумите, осум лица се приведени.
🚨🇦🇱LIVE: Police attack protesters after they threw eggs at the cars of MPs and government ministers in Tirana, Albania
⚡️The protests against Albania's political establishment are a continuation of the movement opposing the land grab, the sale of Sazan Island to Kushner, and… pic.twitter.com/NsQYSJq7WJ
— Anonymous TV 🇺🇦 (@YourAnonTV) July 2, 2026
Ситуацијата дополнително се влоши кога некои од демонстрантите се обидоа да ја пробијат металната ограда и полицискиот кордон околу собранието.
Во судирите беа повредени тројца полицајци, кои беа пренесени во болница за да добијат медицинска помош, додека неколку демонстранти побараа медицинска помош поради последиците од употребата на солзавец.
Al menos 6 personas heridas, tres civiles y tres policías, en una nueva jornada de protestas en Tirana contra proyectos inmobiliarios de lujo vinculados a la familia de Donald Trump en Albania.https://t.co/dTW4CAWcyQ
— EFE Noticias (@EFEnoticias) July 2, 2026
Безбедносните мерки околу парламентот беа зголемени дури и пред почетокот на седницата, вклучително и распоредување на оклопни возила и водни топови.
И покрај нередите пред зградата, парламентот работеше според дневниот ред, беа усвоени неколку закони и беа дискутирани активностите на независните институции.
Пратеничката група на опозициската Демократска партија на Албанија објави дека ја бојкотира седницата, обвинувајќи го мнозинството дека го користи присуството на полицијата за „замолчување на граѓаните што протестираат“.
Според албанските медиуми, протести и помали инциденти беа забележани и претходниот ден пред парламентот, кога имаше физички судири и фрлање пиротехнички средства.