Утрово, околу 8 часот, опозициските републички и покраински претставници заедно со градските претставници на опозицијата почнаа блокада на зградата на судот во Нови Сад.
Во текот на утрото имаше инциденти и туркање со полицијата.
Ponovo je došlo do guranja ispred suda. Poslanici i odbornici opozicije ne žele da se pomere. Kordon policije pokušava da ih izgura. #NoviSad pic.twitter.com/9v3yIAT4wp
— Radio 021 (@Radio021) November 19, 2024
Пред судот во Нови Сад е и лидерката на српската опозиција Мариника Тепиќ.
Таа за N1 Србија изјави дека полицијата ги турка со штитови, а и ги шутира одоздола.
„Ќе останеме овде цело време и ќе бараме судот да одлучи по жалбите за притворот на уапсените, меѓу кои и Горан Јешиќ, Миша Бачулов и Реља Станојевиќ“, рече Тепиќ.
„За тоа време немаме ниту едно правно или физичко лице за кое е утврдено дека е одговорно за убиените во нашиот град“, додаде Тепиќ.
Таа посочи дека судот и обвинителството се таму да одлучуваат во името на народот, а не во името на партијата.
“Hapsite ubice”, poručuju poslanici i odbornici opozicije policiji ispred suda. #NoviSad pic.twitter.com/u3WF0LeSH6
— Radio 021 (@Radio021) November 19, 2024
Протестите во Нови Сад се одржуваат откако 15 луже ги загубија животот во падот на дел од настрешницата на Железничката станица. Опозицијата и граѓаните кои и во претходниот период излегуваа на протести бараат одговорност.