Српскиот претседател Александар Вучиќ вчера пристигна во Москва. Вучиќ утре ќе присуствува на прославата на Денот на победата во руската престолнина. Да потсетиме, литванските власти го забранија летот на српски авион за Москва.
„Нормално, владината служба за воздухопловство најавува прелети над одредени земји. Луѓето прашуваа дали Полска го дозволи тоа, зошто не отидовме во Белорусија. Па, не може, таа не обезбедува никакви коридори, а потоа доаѓа Литваниј, а тие забранија. Знаев дека Естонија ќе го каже истото, ние не ни прашавме, изјави Вучиќ за РТС.
„Потоа отидовме преку Бугарија, Турција до Азербејџан, преку Грузија, па се вративме од другата страна, преку Каспиското Море, а не поблиску до Црното Море. Тој коридор ни беше ставен на располагање. На руска територија се уште има опасности. Едвај добивме дозвола од руските власти да прелетаме. И им благодарам за тоа“, додаде тој.
„Горд сум што сум претседател на Србија и што можам да присуствувам на комеморацијата на борбата против фашизмот овде, бидејќи ако некој има право на тоа, тоа е српскиот народ. Оваа посета е важна за нас од рационални причини. Тоа е пред се договор за снабдување со гас, но и дополнително подобрување на билатералните односи со Русија“, нагласи тој.
„Наместо да ја разберат позицијата на Србија, некои западни функционери испраќаат закани и заплашувања. Не очекувам рационални одговори, туку притисок, а последиците од одењето на Парадата на победата во Москва ќе ги почувствувам пред се јас“, вели српскиот претседател.
Наместо да се однесуваат со нас со разбирање и попустливост, како на мала нација на која и е направена голема неправда со одземањето на 14 отсто од нејзината територија, денес тие имаат свои интереси и ни велат: „Не се враќајте во минатото гледајќи во минатото“, се пожали Вучиќ.