На железничката станица во Нови Сад нешто пред 12 часот се урна дел од настрешницата. Репортерот на РТВ јавува дека има жртви и голем број повредени, а на терен се екипите на пожарникарите и итната помош.
На влезот на железничката станица во Нови Сад се урнал дел од настрешницата, дознава РТС. Стаклената тераса на Железничката станица во Нови Сад денеска околу 12 часот паднала над влезната врата на зградата на станицата.
Екипи на Брза помош и полиција се на терен, а според првичните информации најмалку едно лице починало, а има и други повредени.
Од итната помош велат дека во овој момент не можат да зборуваат за бројот на повредени и за степенот на повредите, бидејќи интервенциите се во тек.