Во Плевља вечерва кошаркарскиот терен е исфарбан во боите на српското знаме. Лидерот на Вистинска Црна Гора, Марко Милачиќ го објави видеото од теренот.
-Величествената тробојка само што беше завршена во Плевља. Браво фамилија, ја објави Милачиќ снимката на својот Твитер налог.
Додека во Подгорица се одржува протест на кој се бара оставка од претседателот на Црна Гора, Мило Ѓукановиќ, на снимката се слуша како од овој терен му пеат песна „Мило лопове“.
‼️ВЕЛИЧАНСТВЕНА ТРОБОЈКА УПРАВО ЗАВРШЕНА У ПЉЕВЉИМА. БРАВО ФАМИЛИЈА ДВОРИШТЕ. БРАВО ЈУНАЦИ‼️ pic.twitter.com/xVvT9dse4j
— Marko Milačić (@markodmilacic) February 1, 2020
Работите излегоа од контрола во Црна Гора по донесувањето на законот за вероисповед, а со кој државата се прогласи за сопственик на сиот имот кој го поедува СПЦ во Црна Гора. Протестите за поддршка на Српската православна црква за брзо време се претворија во протести и барање за правата на српското малцинство во Црна Гора. Со таа цел секојдневно се означува територијата со српската тробојка низ цела Црна Гора, а полицијата врши претреси и апсења, но засега тоа не дава резултати.