ВИДЕО: Косовската полиција затвори 35 српски институции

Од:

Косовскиот министер за внатрешни работи Џељаљ Свецла соопшти дека утрово се затворени паралелните општини на Србија, поштите и даночните канцеларии во десет различни општини во централно Косово, поради што главниот белградски преговарач Петар Петковиќ ги прекина и ги напушти денешните преговори во Брисел.

Полициски дејствија се преземени во општините Липјан, Обилиќ, Приштина, Косово Поље, Вучитрн, Ново Брдо, Каменица, Витина, Ораховац и Скендерај, а Свецла оцени дека со ова „завршува ерата на српските паралелни и криминални општини и институции во на Косово”, објави Радио Слободна Европа.

Властите во Приштина велат дека работата на овие српски институции, кои функционираат од раните конфликти кои завршија во 1999 година, е „нелегална“ и почнаа да ги затвораат на почетокот на минатата година – прво во четири општини на северот со мнозинско српско население, а потоа во централниот дел на Косово.

Порталот на српски јазик „Косово онлајн“ тврди дека косовската полиција (КП) вршела рација во поштенските и општинските згради без судски налог и дека полициските инспектори не им кажале на вработените по чија усна наредба ја спроведуваат акцијата.

Главниот преговарач на Белград со Приштина и директор на владината канцеларија за Косово и Метохија, Петар Петковиќ, реагирајќи на акцијата на КП, го прекина и го напушти денешниот состанок во Брисел под покровителство на ЕУ требаше да се разговара за продолжување на дијалогот за нормализација на односите за решавање на проблемот со исчезнатите лица.

Српскиот министер за надворешни работи Марко Ѓуриќ оцени дека денешните акции на КП, координирани од владата на Албин Курти, се „опасна ескалација“.

Овие „агресивни потези не се само напад врз институциите, туку очигледен обид за поткопување на колективните права и идентитетот на Србите на Косово“, објави Ѓуриќ на платформата „Х“, оценувајќи дека Курти „ги користи овие провокации како дел од својата изборна кампања игнорирајќи ги човековите права и не почитувајќи ги договорите.“

Оваа стратегија само ги продлабочува поделбите и ја загрозува стабилноста во регионот“, напиша Ѓуриќ и ја повика меѓународната заедница да реагира наместо да молчи.

Молчењето е соучесништво“, рече Ѓуриќ.

Дијалогот за нормализација на односите меѓу Белград и Приштина, спонзориран од ЕУ, е во ќорсокак со месеци и тешко дека нешто ќе напредува пред инаугурацијата на новата американска администрација на 20 јануари и парламентарните избори на Косово закажани за 9 февруари. .

Би можело да ве интересира

Верма: Санкциите се насочени кон Русија, а не кон Србија

Америка воведе санкции за српската нафтена индустрија

Убиство во Инџија, уапсени се три лица, по четвртиот се трага

Горан Наумовски

Српската влада формираше тимови за преговори со Русија за долгорочен план за снабдување со гас

Катерина Ѓуровски

Српскиот премиер се закани на професорите: Сите што одбиваат да предаваат повеќе нема да работат во образованието

ВИДЕО: Студентите брутално претепаа човек во Нови Сад

Предраг Петровиќ