Констутитивната седница на Собранието на Косово повторно беше прекината откако лидерот на движењето Самоопределување Албин Курти повторно побара дополнително време за разговори со партиските лидери за изборот на претседател. Ова предизвика незадоволство кај пратениците, а додека Курти одеше од говорницата кон своето место, пратеничката на Алијанса за Косово, Тиме Кадријај, фрли јајца кон него, по што пратениците на Самоопределување станаа за да го заштитат.
Eggs were thrown towards acting Kosovo PM, Albin Kurti by an oppositon MP in the Assembly today. pic.twitter.com/GnrCftkW2a
— Xhemajl Rexha (@xhemajl_rexha) August 8, 2026
Претседавачот на седницата, Авни Дехари, потоа повика обезбедување во салата и ја прекина седницата. На почетокот на конститутивната седница, кога се очекуваше да предложи кандидат за претседател на собранието, Курти, повторно побара дополнително време.
„Сè уште немаме политички договор, па за да избегнеме нови избори, барам дополнително време“, рече тој.
Конститутивната седница на собранието беше прекината и во четвртокот бидејќи Курти побара дополнително време за разговори со опозицијата за избор на претседател.