На видео запис под име „Хрватски доброволци во Украина“ објавен на „Јутјуб“, двајца маскирани мажи на англиски јазик зборуваат за причините поради кои заминале на фронтот во источна Украина.
-Ние во периодот помеѓу 1991 и 1995 година имавме ист проблем со српската агресија. Русите и Србите имаат иста политика, сакаат да покорат една независна држава. Кога го видовме тоа на телевизија, дојдовме да им помогнеме на нашите украински браќа во таа борба – вели е ден од маскираните.
Според нивните зборови рускиот претседател Владимир Путин е комунист, чија цел е голема Русија и дека тој не прифаќа ниту една слободна нација.
-Сака повторно да го изгради Советскиот Сојуз, но такво нешто Европа не може да дозволи. Мислиме дека цела Европа треба да ја подржи Украина и да го сопреме овој нов Сталин – изјавиле хрватските доброволци и додале дека знаат дека на спротивната страна се борат Срби.
Меѓутоа тие се надеваат дека ќе сретнат некого од нивните српски пријатели бидејќи според нив не се лоши сите Срби.
-Имаме некои пријатели во Србија, националисти, но тие мислат правилно. Повеќето Срби за Русија сметаат дека им е мајка и сакаат да дојдат тука за да направат не знам некаква нова Србија- вели едниот од нив.
Е.Г.