Десетици посетители на популарната белградска плажа на Ада Циганлија, кои денеска дојдоа да побараат спас од тропската жештина, наместо тоа беа сведоци на ужасен чин на насилство. Млад човек пред очите на сите се расправаше на цел глас со девојката со која беше во друштво, за потоа да почне да ја брка, додека еден од луѓето кои беа во близина се обидуваше да го спречи да ја нападне.
Кога девојката се обиде да стане, насилникот со сета сила ја удри со нога во лицето.
„Престани, Никола… тргни се од мене, остави ме, идиоту еден!“ – викаше девојката пред нападот, а напаѓачот извика: „Зошто правиш будала од мене“ и продолжи со ѕверскиот напад, додека триесетина луѓе, меѓу кои имаше и деца, гледаа во неверување.