Српската полиција со два чамци ја пребарува реката во близина на ноќниот клуб во кој последен пат е виден младиот Матеј Периш. Неофицијално, се сомнева дека Матеј паднал преку оградата откако го напуштил „Готик“. Дел од српските медиуми пишуваат дека Матеј е забележан на снимките на една од наздорните камери како го напушта клубот и се движи по скали кои водат кон сплав.
Таткото на Матеј од попладнево е во Белград, вели дека нема никакви нови информации и оти се надева дека неговиот син ќе биде пронајден во најбрзо време. Тој се заблагодари на сите блеграѓани кои му понудиле престој во нивните домови додека трае потрагата по неговиот син.
„Полициските службеници од моментот на пријавување на исчезнувањето ги преземаат сите мерки и дејствија согласно законот за пронаоѓање на исчезнатиот млад човек“, се наведува во соопштението од МВР Србија.