Студентите, кои повеќе од два месеци блокираа околу 60 факултети во Србија поради трагедијата на железничката станица во Нови Сад, во 10 часот почнаа 24-часовна блокада на Автокоманда – еден од најважните патишта во Белград. На блокадата им се приклучуваат и граѓани земјоделци со трактори. Како и на сите блокади и протести и денеска имаше 15 минути тишина за 15-те жртви во падот на настрешницата на Железничката станица во нови Сад.
Блокадата на Автокоманда следи по генералниот штрајк што се одржа во петокот во Србија. Студенти и други граѓани учествуваа во протестните прошетки. На штрајкот се приклучија и медиумите, бројни синдикати, наставници, професори, лекари, адвокати, средношколци, земјоделци.
За Блокатада има планирана целодневна програма и активности, а според студентите, најголемата излезност и гужва се очекува по 16-17 часот когаи граѓаните завршуваат со работа па ќе можат да се приклучат.
Паралено со блокадата на Автокоманда во Белград, блокади има и во другите градови, Нови Сад, Ниш, Крагуевац и во помалите места.