Голем пожар зафати деловен центар во турската престолнина Анкара, објави весникот „Сабах“. Пожарот избувнал од петтиот кат на зградата околу 17.30 часот по локално време.
Пожарникарите бргу пристигнале на местото на настанот, по што започнала борбата со стихијата. Во акцијата се
евакуирани десетици луѓе што се наоѓале во просториите на деловниот центар, пренесе националната турска телевизија ТРТ.
Според очевидците, чадот многу бргу се издигнал од внатрешноста на зградата, кој бргу ги зафатил и горните катови.
BREAKING VIDEO: Huge Fire erupts at Via Tower / Flat in Yenimahalle, #Ankara, #Turkey#viaflat #viatower pic.twitter.com/wdIMdYbZXQ
— Insider Paper (@TheInsiderPaper) July 27, 2020
Причините за избувнувањето на пожарот сè уште се непознати. Целиот кварт е блокиран од полицијата, а противпожарната бригада се справува со огнот.