Салата број 3 на белградскиот саем денеска е исполнета со Босанци, Црногорци и Македонци. Сите се дојдени за вакцинација во Србија која викендов дозволи имунизација на странски државјани. Во изјавите за српските медиуми сите кои се дојдени велат дека се решиле на ваков чекор затоа што во матичните држави нема вакцини.
За граѓаните од земјите од регионот викендов во Србија е достапна вакцината АстраЗенека. Голем број македонски граѓани денеска отпатуваа на вакцинација во Белград и во Ниш. Дел од нив закажале термин преку пораталот Е-управа, дел одат во организација на Стопанската комора.
Утрово до 10 часот во Србија влегле повеќе од две илјади македонски граѓани информираа од Министерството за внатрешни работи.