Половина стара зграда во белградската населба Врачар денеска се урна во ископот за темели на нов објект кој се гради на соседната парцела. Дел од медиумите објавија снимка од уривањето на куќата, чии ѕидови прво напукнале, пред таа да падне на градилиштето, уништувајќи багер останат во дупката.
Според очевидците, работникот кој управувал со багерот успеал да се спаси, бегајќи само десетина секунди пред да се урне куќата.
Српските медиуми пишуваат дека среќна околност е тоа што во делот од куќата што паднал, во моментот на уривањето немало никој, поради тоа што сопственичката живеела во друг стан. Луѓето што живееле во соседните станови биле навреме евакуирани.