ВИДЕО: Дојави за бомби во училишта и градинки низ цела Србија

Од:

Дојави за бомби пристигнаа утрово на е-поштата на бројни основни и средни училишта низ Србија – Белград, Нови Сад, Чачак, Пријепоље… Според најновите информации што пристигнуваат минута по минута, дојави за бомби пристигнаа и на адресите на градинките. Припадници на МУП веднаш излегоа на терен, а учениците беа веднаш евакуирани.

Сите училишта во Јужнобачката област добија е-пошта дека во нивните објекти се поставени бомби, неофицијално дознава „Блиц“ од извор во полицијата во Нови Сад.

Во текот на утринските часови, дојави за бомби пристигнаа на е-поштата на неколку училишта во урбаните и руралните средини на градот Чачак. Надлежни екипи пристигнаа на терен за да ги проверат наводите, а учениците и вработените ги напуштија просториите.

– Ни рекоа да дојдеме да го земеме детето. Претпоставуваме дека станува збор за лажни дојави, како и претходно, но повторно никогаш не е исто и секогаш има доза на страв – изјави еден од родителите за РИНА.

Дојави за бомби утрово беа примени на адресите на основните училишта во Пријевор, Прељина, Слатина, Мрчаевци, основните училишта Милица Павловиќ и Филип Филиповиќ, како и на адресата на Специјалното основно училиште 1 Ноември.

Двете најголеми основни училишта во Нови Пазар, „Братство“ и „Рифат Бурџовиќ Тршо“, утрово добија дојава за бомба преку е-пошта. Припадници на МУП се на терен, пишува РТС.

Најмалку седум основни училишта во Нови Сад досега добиле е-пошта од непозната адреса. Децата беа евакуирани од училиштето, а дојавите за бомби беа лажни.

Учениците беа евакуирани, а полициски екипи се на терен и вршат увид.

Дојава за бомба е пријавена и во градинка во белградската населба Врачар. Веднаш над градинката се наоѓа основното училиште „Краљ Петар II“, а според граѓаните на социјалните мрежи, сите деца се надвор.

Би можело да ве интересира

Европскиот парламент усвои oстра Резолуција за Србија

Почина српскиот генерал и хашки осуденик Небојша Павковиќ

Сијарто: Унгарскиот МОЛ ќе ги зголеми испораките за Србија по санкциите на САД врз српската нафтена индустрија

Вашингтон воведе санкции за Нафтената индустрија на Србија, резерви има, но не на долг рок

Катерина Ѓуровски

(ВИДЕО) Србија е под снег: Делови од земјата затрупани, патиштата се блокирани

Горан Наумовски

ВИДЕО: Студент од Србија меѓу „киднапираните“ од израелските власти при упадот на хуманитарните бродови