Глобалната поддршка за светските лидери се намалува, според анкетата на „Галуп Интернешнл“ спроведена во 57 земји и територии, вклучувајќи ја и Србија, каде што најпопуларен светски лидер е рускиот претседател Владимир Путин.
Во Србија, по Путин, Си Џинпинг има најголема поддршка – 22 проценти, по што следува Моди со шест проценти.
Неповолен рејтинг имаат Нетанјаху -50 проценти, Трамп -44 проценти.
Во Србија, резултатите се базираат на примерок од 1.020 испитаници, користејќи го методот лице в лице, спроведен во ноември 2025 година.
Истражувањето го спроведе TMG Insights, членка на Галуп интернешнал.
Според анкетата, европскиот просек ги рангира светските лидери на следниов начин: папата +29 проценти, Моди -15 проценти, Си Џинпинг -35 проценти, Трамп -42 проценти, Нетанјаху -48 проценти, Путин -58 проценти.
Папата Лав XIV е единствениот со позитивен резултат на светско ниво со „плус“ 24 проценти, што ја одржува доминацијата на позитивното над негативното мислење, но е помал од оној на претходниот папа Франциск (+28 проценти од 2019 година).
Другите лидери имаат негативни оценки: израелскиот премиер Бенјамин Нетанјаху -42 проценти, рускиот претседател Владимир Путин -41 процент, американскиот претседател Доналд Трамп -31 процент, кинескиот претседател -23 проценти и индискиот премиер Нарендра Моди -12 проценти.
Доналд Трамп има најголема поддршка во Азербејџан (40 проценти), Кенија (34 проценти), Грузија (33 проценти), Сирија (31 процент), Косово (27 проценти), а најниска поддршка во Иран (-88 проценти), Данска (-84), Шведска (-80), Норвешка (-79), Швајцарија (-78 проценти).
Владимир Путин највисока поддршка има во Србија (37 проценти), Индија (30 проценти), Азербејџан (19 проценти), Пакистан (15 проценти), Малезија (12 проценти), а најниска во Украина (-98 проценти), Данска (-94), Шведска (-94), Норвешка (-90), Естонија (-88 проценти).