Тројца еколошки активисти беа приведени по саботните протести против ископувањето на литиум. Судот во Белград ги осуди на затвор поради нарушување на јавниот ред и мир. Иван Бијелиќ доби 40 дена, а Никола Ристиќ и Јевѓеније Димитријевиќ по 30 дена затвор.
Претседателот Александар Вучиќ ги обвини гореспоменатите активисти дека се однесувале дрско кон Бранка Лазиќ, новинарка од таблоидот Информер.
„Жал ми е за новинарката Бранка Лазиќ, она што го доживеа од овие марксисти, анархисти, вакво многу имбецилно однесување, полевање со вода, туркање сендвичи во уста и се друго, зборува за какви луѓе зборуваме. Таквото непочитување кон жени, да не бидеш џентламен, да се однесуваш како мангуп, вие 50 мажи против една жена, која стои во место, која нема да ви се тргне од патот и која е виновна само затоа што ги гледа работите поинаку од вас“ изјави Вучиќ.
Šta Vučić/Informer kažu o tretmanu novinarke Informera, i snimak šta je bilo (snimak je sa naloga Ofanzivan na Instagramu) pic.twitter.com/3AE9vOFFAN
— Kristian (@KristiansCorner) August 11, 2024
Во меѓувреме, се појавија и снимки кои го покажуваат инцидентот. На една снимка се гледа како новинарката разговара со демонстрант кој и турка сендвич во уста. Во позадина се слуша скандирање „Ги труете децата“.
Демонстрантите потоа ги поставуваат своите транспаренти пред репортерката, а таа одговара така што ги зема транспарентите и ги оддалечува од неа. Толпата свиркаше за да го изрази своето незадоволство од нејзиното однесување.
Imamo na @mars_sa_drine instagram nalogu koji sam ja lično snimila. Evo ih dve verzije – prva u real time i druga usporena – gde se jasno vidi da je "novinarka" napala Ivana dva puta, prvi put mu je gurnula ruku, drugi put ga je gurnula u facu. pic.twitter.com/4pNvQqEGla
— Bojana Novakovic (@bojnovak) August 11, 2024
На друго видео, новинарката испраќа бакнеж и мавта кон толпата. Потоа, еден од демонстрантите повторно го турка сендвичот пред нејзиното лице, при што таа го зема сендвичот и со бесен поглед се внесе во лицето на демонстрантот кој го туркаше сендвичот. „Рио Тинто, марш од Србија“, скандираа демонстрантите за тоа време.
Повод за протестот беше најавата за отворање на рудникот за литиум на рударската компанија Рио Тинто во долината Јадра. Здруженијата протестот го организираа на денот на истекот на рокот од 40 дена што и го одредиле на српската влада да го усвои Законот за трајна забрана за геолошки истражувања и експлоатација на литиум и бор во Србија.
По завршувањето на митингот во белградско Теразие, на кој присуствуваа околу триесетина илјади луѓе, дел од демонстрантите го блокираа сообраќајот на автопатот, во близина на клучката Газела.