Повеќе од пет илјади поддржувачи на движењето Двери, навивачи и граѓани се собраа вечерва во центарот на Белград на протест против одржување на Парадата на гордоста, која е најавена за утре.
Помеѓу тие што протестираат се и голем број претставници на Српската православна црква од кои можеше да се слушне дека „Бог не ја благословил геј парадата, но затоа го благословил овој собир“.
– Овде се собравме за да ја промовираме волјата на мнозинството, односно да не се одржи геј парадата. Ова веќе не е прашање за парадата, туку за семејна Србија. Да не дозволиме привилегирано малцинство да влијае на животот на мнозинството, рече лидерот на движењето Бошко Обрадовиќ.
За време на протестот центарот на Белград беше под блокада, а силните полициски сили не дозволија да се случи поголем инцидент.
Две стаклени шишиња погодија двајца припадници на полицијата, а од масата се слушаа извици и негодување против премиерот Александар Вучиќ.
