Неверојатна ноќ во Белград, напиша специјалниот пратеник на американскиот претседател Доналд Трамп за преговори меѓу Србија и Косово, Ричард Гренел, на својот Твитер профил.
„Србите и Американците во Белград пеат за Алабама и Западна Вирџинија, тоа е неверојатна ноќ“, напиша Гренел.
На видеото кое Гренел го снима може да се види како тој се наоѓа на брод и седи на иста маса со српскиот претседател Александар Вучиќ, премиерката Ана Брнабиќ и другите претставници на САД и Србија.
Serbs and Americans in Belgrade singing about Alabama and West Virginia is an amazing night. pic.twitter.com/PBsojnKUA8
— Richard Grenell (@RichardGrenell) September 23, 2020
Во вторникот американската делегација предводена од извршниот директор на Американската корпорација за меѓународен развој (ДФЦ), Адам Болер, се состана со претседателот и премиерката на Србија.
По состанокот, Брнабиќ и Болер потпишаа заедничка изјава и симболично ја отворија канцеларијата на ДФЦ во Белград, а членовите на американската делегација, исто така, се состанаа со претставници на српските и косовските стопански комори во американската амбасада во Белград, најавувајќи формирање на заеднички проектен тим за економски развој.