На снимката објавена на Твитер денеска, се гледа познатата српска актерка Светлана Бојковиќ, која застана пред камионот што требаше да истури градежен отпад на местото Бара Рева, на левиот кеј на реката Дунав во Белград.
73-годишната актерска легенда им се приклучи на граѓаните што живеат близу Бара Рева и кои со денови протестираат во одбрана на природата и своето здравје.
Gospodja Svetlana Bojkovic je stala ispred kamiona i sprecila ga da istovari sut u prirodnu oazu "Bara Reva"! pic.twitter.com/T1x4mggc87
— Marko M. Dragoslavic (@DragoslavicM) May 26, 2021
Бара Рева, некогаш позната како оаза на природата, денес е претворена во дива депонија и се заканува да прерасне во еколошка катастрофа.
Граѓаните со денови протестираат поради истовар на градежен отпад на ова место, а вреќите со отпад ги однесоа и пред Градското Собрание.
Додека за овие граѓани станува збор за екоцид, за белградскиот Секретаријат за заштита на животната средина, на ова место привремено е дозволено да се истоварува земјата од ископ и градежниот отпад.
Оваа институција ги уверува граѓаните дека отпадот не е опасен, иако за тоа нема приложено документи.