[staff name=”Eлена Георгиевска” position=”Автор”][/staff]Со знамиња на Србија и Полска и со пригодни транспаренти во центарот на Варшава денес поминаа околу 1000 Полјаци, кои протестираат поради независноста на Косово, во знак на поддршка на Србите.
-Манифестацијата помина мирно, без инциденти – изјави портпаролот на полицијата која го обезбедувала маршот, Анџеј Броварек.
Тие изјавија дека како Полјаци на Србите им праќаат кратка порака дека се во право и дека ги разбираат и поддржуваат.
-Совршено добро знаеме што значи губење на историска земја – порачаа демострантите.
Во маршот традиционално се приклучија и навивачите на фудбалските клубови, на чело со навивачите на „Легија Варшава“.
Носејќи транспаренти за поддршка на Србите на Косово и против независност, демонстрантите скандираа „Србија – Варшава“, заедничка работа.
Полјаците за Косово уште од 2011 година организираа протестен марш, пред или по одржувањето на годишницата за независност на Косово, поради како што велат одзимањето на делот од Србија.