Неколку часа по полноќ, утринава во Мостар (БиХ) е пронајдено безживотно тело на маж. По истрагата, потврдено е дека станува збор за убиство.
„Утрово околу 3:20 часот, Полициската управа во Мостар добила пријава од вработен во Итната медицинска помош дека во мостарската населба Жалик е пронајдено тело на машко лице. На местото на инцидентот е спроведена истрага, предводена од дежурниот обвинител на Кантоналното обвинителство Мостар. Можеме да потврдиме дека станува збор за кривично дело „убиство“. Идентитетот на починатото лице сè уште се утврдува. Поради интересот на истрагата, не можеме да откриеме повеќе детали“, изјави Илијана Милош, портпаролка на МУП на ХНК.
Повеќе информации ќе бидат познати по завршувањето на истрагата и понатамошните истражни дејствија.