Припадници на белградската полиција ги уапсија Б.Б.(23) и седумнаесетгодишно момче поради постоење основи на сомнение дека сториле кривично дело тешко убиство.
Тие се осомничени дека на 1 февруари со нож му нанеле убодни рани на дваесет и тригодишен нивен познаник, кој од здобиените повреди починал на лице место.
На Б.Б. му е одреден притвор до 48 часа и со кривична пријава ќе биде спроведен во Вишото јавно обвинителство во Белград, додека осомничениот малолетник е спроведен во Вишиот суд во Белград, Одделот за малолетници.
Потсетуваме, непознато машко лице му нанело повеќе убодни рани и расекотини на младиот Ј.М.(23) кој починал на лице место, додека на друго момче Б.Ј.(23) му нанеле расекотина.
Во меѓувреме, полицијата пронашла нож и бејзбол палка во возилото што двајцата осомничени ги користеле пред нападот.