Девет турски полковници се уапсени денеска во северниот дел на Кипар во рамките на истрагата против движењето на Фетхулах Ѓулен, кое турските власти го сметаат за организатор на обидот за државен удар во Турција во јули минатата година, јави Анадолија.
Според турската агенција, офицерите биле уапсени денеска во рамките на истрагата против движењето на Фетхулах Ѓулен. Тие биле на служба во кипарските турски мировни сили и во командата на силите за безбедност, кои се дел од турските вооружени сили.