Министерот за внатрешни работи на Србија, Ивица Дачиќ изјави дека припадници на Министерството за внатрешни работи во Белград го уапсиле С.П.(1988).
Тој е осомничен дека денес со автомобил убил четириесет и петгодишен маж, по што избегал, а претходно, како што се сомнева, ја запалил неговата куќа во близина на Обреновац.
„Припадници на Министерството за внатрешни работи во Белград, ПС Обреновац, ПС Уб, Интервентната единица 92 и УКП во Белград, го уапсија С.П. (1988) за кого постои сомневање дека денес со автомобил убил четириесет и петгодишен маж, по што избегал, а чија куќа претходно ја запалил во близина на Обреновац“, изјави Дачиќ.
Полицијата набрзо го уапси во градот Црвена Јабука, изјави Дачиќ, пренесува Танјуг.
„Осомничениот е донесен во службените простории на полицијата и продолжува понатамошната работа за утврдување на сите околности и факти за овој настан“, рече министерот Дачиќ.