Хрватската полиција приведе австриски државјанин во Ровињ, кој со мобилен телефон фотографираше голи деца на плажа. Против уапсениот е поднесена кривична пријава за искористување деца за порнографија, соопшти денеска истарската полиција.
Од полицијата велат дека 63-годишниот маж со својот мобилен телефон снимаше голи деца на плажа, а кога му пријде член на обезбедувањето, сега осомничениот почна да бега.
Обезбедувањето на кампот набрзо го запре бегалецот и го задржа додека не дојде полицијата која го уапси и го однесе во полициска станица. Во инцидентот осомничениот е полесно повреден.
За пронаоѓање на предмети, кои би биле поврзани со кривичното дело, полицијата со судска наредба изврши претрес во просториите, возилото и мобилниот уред што го користеше Австриецот, при што е откриена инкриминирачката содржина.