Турски цариници на преминот „Хамзабејли-Лесово“ на границата меѓу Турција и Бугарија, запленија 717 килограми и 694 грама хероин, што претставува досега најголемото количество на дрога запленето на турските гранични премини.
Наркотикот бил сокриен во товарен камион со приколка со хрватски регистарски таблички, што превезувал машини за перење и телевизори.
Камионот бил натоварен во Истанбул. Преку граничниот премин „Хамзабејли-Лесово“ тој требало да влезе во Бугарија и оттаму да продолжи за Босна и Херцеговина, што била неговата последна дестинација.
При проверка на рентген, во камионот бил откриен поголем товар од пријавениот, по што цариници, заедно со екипи на Службата за борба против шверц со наркотици на Дирекцијата за безбеднопст во Њдрин, го прегледале товарот.
Хероинот бил распореден во 1.400 пакети и сокриен во машините за перење.
Возачот на камионот, кој е хрватски државјанин, е притворен.