Турска компанија го доби под концесија „Патот на нацијата“ во Албанија

Од:

Турската компанија „Vendeka Bilgi Teknolojileri Ltd” е избрана за најдобар понудувач на тендерот за давање под концесија на автопатот Тирана-Кукс-Морина, што Албанците го нарекуваат „Патот на нацијата“.

Според албанското Министертво за транспорт, компанијата е избрана во соработка со меѓународната консултантска куќа „IFC“.

Владата на концесионерот му гаранира субвенција до 5,6 милиони евра годишно, доколку не се реализира планираниот сообраќај.

“Vendeka Bilgi Teknolojileri Ltd” понудил почетна инвестиција од 50,6 милиони евра и инвестиција во континуитет за оддржување и работа на автопатот во износ од 320  милиони евра.

Со давањето под концесија на автопатот Тирана-Кукс-Морина, во должина од 134 километри, ќе се воведе и патарина од пет евра за автомобил, додека за товарните возила таа ќе биде повисока. Истата се очекува да почне да се применува од септември, со што овој автопат станува прв патен правец во Албанија каде ќе се плаќа патарина.

Турската компанија автопатот го добива под концесија за период од 30 години.

Би можело да ве интересира

ВИДЕО: Опозицијата запали собраниски столици пред албанскиот парламент

ДУИ повикува на исполнување на обврските од Преговарачката рамка и итно усвојување на уставните измени

Касами: Ќе работиме на решавање на билатералниот проблем со источниот сосед, за да го фатиме чекорот со Албанија кон ЕУ

Предраг Петровиќ

Албанија на 15 октомври ќе ги започне преговорите со ЕУ по Кластерот 1

„Еурактив“: Албанија на 15 октомври ги отвора преговорите со ЕУ по поглавја

Партијата на Македонците бара албанската влада да ја забрани фондацијата „Бугарска меморија“