Турската компанија „Туркиш ерлајнс“ порача 95 авиони од американската компанија „Боинг“ за периодот од 2016-2021 година, а за зделката на американскиот гигант ќе му исплати 6,9 милијарди долари.
Во 2016 година, според турските медиуми, „Туркиш ерлајнс“ ќе добие 20 авиони, во 2018 година уште 20, во 2019. – 15, во 2020. – 30, а во 2021. – десет.
Дваесет авиони ќе бидат од типот Б737-800, 65 – Б737-8 МАХ и десет – Б737-9 МАХ, соопшти компанијата.
„Туркиш ерлајнс“ во мај потпиша со европската компанија Ербас“ договор за купување на 82 патнички авиони за куси и средни растојанија од типот А320 во класична верзија и со нов мотор.