Турското обвинителство испрати официјално барање до Гугл со цел да се обезбедат информации за избришаните мејлови од електронската пошта на убиецот на рускиот амбасадот во Анкара Мевлут Мерт Алтинташ, јави ТАСС, повикувајќи се на весникот „Дејли Сабах“.
Според извори на весникот, при претрес на станот каде живее Алтинташ, биле запленети компијутер и мобилен телефон.
Инспекторите потврдиле дека убиецот користел електронска пошта на Гугл, но мејловите му биле избришани два и пол часови по убиството на 19 декември.
Рускиот амбасадор во Анкара Андреј Карлово беше убиен на 19 декември на отворањето на изложбата на фотографии во турската престолнина.
Напаѓачот – полицискиот службеник Мевлут Мерт Алтинташ (22), беше ликвидиран од страна на силите за безбедност.