Бројот на турски претставници во Парламентарното собрание на Советот на Европа (ПССЕ) се очекува да биде зголемен во следните месеци од 12 на 18 лица, откако турскиот јазик ќе стане еден од работните јазици на ПССЕ, пишува весникот „Радикал“.
Нацрт резолуцијата за зголемување на бројот на турски претставници во ПССЕ од 12 на 18 лица се очекува да биде гласана за време на седницата на Постојаниот комитет на ПССЕ на 21 и 22 мај во Сараево. Се очекува резолуцијата да биде усвоена.
По гласањето на резолуцијата Турција, исто како и останатите големи држави, ќе биде претставена во ПССЕ со 18 делегати, а турскиот јазик ќе се употребува како работен јазик на организацијата.
Официјални јазици во ПССЕ се англиски и француски, а во моментот како работни јазици се користат и италијански, руски и германски. Најважен критреирум за зголемување на бројот на турски претставници во ПССЕ е процентниот дел на населението и донациите в буџетот на ПССЕ.