Во тешка сообраќајна несреќа што се случи денес на делницата помеѓу Житомислиќ и Почитељ во Босна и Херцеговина, загинаа три лица. Портпаролката на Министерството за внатрешни работи на Херцеговачко-неретвскиот кантон, Илијана Милош, потврди дека уште две лица се повредени, но засега не се знае колку сериозно.
„Утрово во 4.30 часот се случи тешка сообраќајна несреќа во која учествуваа три патнички возила на патот М-17. Во несреќата животот го загубија три лица, додека две се здобија со повреди со неутврдена тежина. Сообраќајот е целосно запрен, а истрага на местото на настанот ќе спроведат припадници на Секторот за криминалистичка полиција со помош на Полициската управа Чапљина, под надзор на дежурниот обвинител“, изјави Иијана Милош.