Транспортерите од Србија денес ќе ги укинат блокадите на товарниот сообраќај на граничните премини, изјави претседателот на Меѓународното транспортно бизнис здружение, Неѓо Мандиќ.
„Сега ги информираме нашите граничари да ги отстранат камионите што беа на чело на конвојот, за да може сообраќајот да се одвива. Значи, ги прекинуваме протестите“, рече Мандиќ по состанокот.
Тој рече дека сè уште не добиле одговор од нивните колеги од Босна и Херцеговина дали и тие ќе ги укинат блокадите, но дека очекува да донесат иста одлука.