Термички камери се поставени на железничите станици во Атина и Солун, како дополнителна превентивна мерка за да се спречи ширењето на коронавирусот, јавува МИА.
Камерите, кои ќе ја мерат и прикажуваат телесната температура на патниците и на вработените, се поставени на иницијатива на управата на грчката железница и ќе почнат да функционираат од петок.
Од компанијата соопштуваат дека камерите се дополнителна мерка, а и понатаму се во сила претходно преземните мерки како што се задолжителна употреба на маска, поставени антисептици, секојдневна дезинфекција итн.
Грција е една од земјите во Европа кои најдобро се справуваат со пандемијата на коронавирусот, и досега има забележано нешто над 3.000 случаи и 183 починати. Сепак, изминатата недела се забележани повеќе од 100 новозаразени грчки граѓани, па властите повторно размислуваат за враќање на дел од рестриктивните мерки.