Светските агенции пренесувајќи ја веста за поплавите во Србија и Босна и Херцеговина, нагласуваат дека се работи за најлоша водена стихија која што го погодила Балкан, во последните 100 години, како и дека има повеќе жртви.
Британската агенција „Ројтерс“, чиј што фотограф се наоѓа во Обреновац, пишува дека градот е под вода, која што достигна ниво од два до три метри височина, а граѓаните од кровови и балкони чекаат да бидат спасени, додека војниците се обидуваат да евакуираат стотици лица, главно жени и деца. Илјадници волонтери им се приклучија на војниците, полицајците и пожарникарите во текот на ноќта за да го одбранат Шабац, наведува „Ројтерс“.
И американската „Асошиејтед прес“ пишува дека рекордните поплави кои што се случија на Балкан, принудија десетици илјади луѓе да ги напуштат своите домови, а има и жртви.
АП раскажува како спасувачките екипи, со чамци и хеликоптери спасуваат илјадници луѓе кои што се заробени во поплавениот Обреновац и нагласува дека водата која што се зголемува и се заканува на најголемата електрана на Србија.
„Франс прес“ пишува дека во поплавите ширум Србија се евакуирани 15.000 лица, а најкритична е состојбата во Обреновац.
Е.Г.