Навивачи од фудбалскиот клуб Партизан кои од Белград организирано тргнаа на одбележување на Видодвен на Газиместан се судрија со косовската полиција на граничниот премин Мердаре.
При тоа, 20 се ранети, од кои десетмина се пренесени на одделението за хирургија во Прокупље.
„Организирано трганвме кон Газиместан да го одбележиме Видовден. Без никакви проблеми ја поминавме нашата граница кога не застана косовската полиција кај Мердаре.
Ни рекоа не може тука да поминеме и нема што да бараме на Косово. Почна турканица, а потоа и тепачка. Во еден момент почнаа да пукаат на нас со боева муниција“, изјави еден од групата од Белград.
Од болницата во Прокупље потврдиле дека од ранетите има со тешки повреди, но не потврдуваат дали раните се од боева муниција.