Српската влада им препорача на своите граѓани да не патуваат во Хрватска овој викенд.
На веб-страницата на Министерството за надворешни работи е наведено дека престојот во Загреб може да биде ризичен, бидејќи на концертот на Марко Перковиќ Томпсон се најавени околу половина милион посетители.
„На граѓаните на Република Србија им се советува да не патуваат во Загреб во периодот од 4 до 6 јули 2025 година поради концертот на Марко Перковиќ Томпсон планиран за 5 јули на Загрепскиот хиподром. Со оглед на тоа што се очекуваат околу 500.000 посетители, престојот во Загреб во тој период може да претставува безбедносен ризик за граѓаните на Република Србија“, се вели во соопштението на веб-страницата на српското министерство.