Српски државјанин (22) го загуби животот во тешка сообраќајна несреќа што се случи на автопатот кај Ватилакос во близина на Солун.
Несреќата се случила, според грчките медиуми, на патот кон Евзони.
Според достапните информации, се судриле два автомобила, едниот управуван од грчки државјанин (24), а другиот од повредениот млад човек од Србија. Во несреќата полесно се повредени уште седум лица во двете возила.
– На автопатот Атина-Евзони, автомобил управуван од грчки државјанин се судрил со автомобил управуван од 22-годишен странски државјанин, при што возачот на другото возило бил пренесен во болница, каде што починал – се вели во соопштението на грчката полиција.
Две амбулантни возила и две противпожарни возила со шест пожарникари веднаш пристигнале на местото на несреќата и го извлекле тешко повредениот млад човек од смачканиот автомобил. Тој беше интубиран и пренесен во болница во Солун, но, и покрај напорите на лекарите, им подлегна на повредите.