Претседателот на Република Србија, Александар Вучиќ, најави дека земјата има намера да набави два руски хеликоптери Ка-32, кои се специјализирани за гаснење пожари, пренесува „Борбени Ефективи“.
Станува збор за тип на хеликоптер кој претставува лидер во светот кога се во прашање сложени противпожарни операции. Благодарение на неговите технички карактеристики на летање, робусната конструкција, високата носивост на надворешните потпори, како и интеграцијата на различна специјална опрема, овој хеликоптер во моментов нема конкуренција во светот.
Засега, не се познати повеќе информации кога станува збор за деталите за оваа набавка. Во основа се работи за повеќенаменски хеликоптер кој може да се користи во различни мисии, и во цивилни и воени цели.