Српското Министерство за внатрешни работи најави жалба на одлуката на Интерпол, потерницата која српското правосудство ја распиша за Рамуш Харадинај и уште 17 лица „веќе да не биде на сила“.
– Комисијата за контрола на меѓународни потерници во Лион, седиштето на Интерпол, ја усвои жалбата на УНМИК и вчера одлучи Интерпол повеќе да не ги третира овие потерници, односно да ги избрише од системот, се наведува во соопштението на српското Министерство.
Ресорното Министерство нагласи дека ќе испрати иницијатива до Министерството за правда и Обвинителството за воени злосторства, со цел „заедно да поднесат жалба на одлуката на Интерпол“.