Србија и Унгарија се договорија за изградба на нафтовод што ќе и овозможи на Србија да се снабдува со „поевтина нафта од Урал со поврзување со нафтоводот „Дружба“ (Пријателство), соопштија унгарските власти, пренесува Радио Слободна Европа.
Изградбата на гасоводот беше договорена откако Европската унија (ЕУ) го воведе осмиот пакет санкции против Русија, со кој се ограничува увозот на руска сурова нафта.
Портпаролот на унгарската влада Золтан Ковач на Твитер напиша дека српскиот претседател Александар Вучиќ и унгарскиот премиер Виктор Орбан се договориле за изградба на нафтовод, кој ќе и овозможи на Србија да се снабдува со поевтина нафта од Урал.