Триесет и осумгодишниот Милош Гајиќ и четириесет и деветгодишниот Имери Хамдија од Белград се првите пациенти во Србија на кои што кардиохирурзите во Клиничкиот центар во Србија им вградија вештачки срца, пренесува „Блиц“.
И двете интервенции траеле по пет часа, но завршиле успешно.
Вештачките срца ќе ги носат се додека не добијат органи кои ќе одговара за трансплантација.
-Вештачко срце добија двајцата најзагрозени пациенти кои чекаат трансплантација. Им дадовме можност да го дочекаат новиот орган – изјави директорот на Клиничкиот центар, Миљко Ристиќ.
Српските кардиохирурзи во текот на интервенциите имале поддршка од своите хрватски колеги кои од Хрватска пристигнале во Србија , веднаш откако од Италија биле донесени апаратите за вонтелесна циркулација.
-Нашите лекари имаа поддршка од своите хрватски колеги, кај кои беа на обука.Од Загреб пристигна цела екипа, кардиолог, анестезиолог, инфузер дури и инструментарка. Среќни сме поради тоа, бидејќи имаат поголемо искуство –нагласи Ристиќ.
Елена Георгиевска