Српскиот претседател Александар Вучиќ изјави дека сака да формира широко народно движење и тоа го гледа како стратешка потреба за иднината.
Тој рече и дека сака да се формира движењето, бидејќи ги гледа лимитите што постојат во Српската напредна странка (СНС), како и кај другите партии.
„Затоа сакам да учествувам и да им помогнам на оние кои сакаат да создадат широко народно движење. Ќе се размислува и за името. Широко народно движење“, рече Вучиќ.
Тој потсети дека и претходно зборувал за широко народно движење, но дека немало време за тоа поради дневните насани.
„Сега гледам стратешка потреба за иднината. Тоа го видов и пред две години“, рече Вучиќ.
Тој додаде дека целата држава е поканета да учествува во народното движење, како што вели, секој човек со добра волја, вклучително и студентите кои сега протестираат.
Сите се добредојдени“, рече Вучиќ и додаде дека за пет или десет години некои од студентите кои учествуваат во блокадите ќе кажат дека цело време бил во право.