Поради снегот што од викендот паѓа во Словенија на коловозите паднаа повеќе од 160 дрвја, а затворени за сообраќај беа неколку патишта.
Најголеми проблеми со снегот има во Штаерска, Корушка, Засавје и Долењски.
На подрачјето на општина Подвелка, поради оштетена електродистрибутивна инфраструктура, потрошувачите се без струја.
Поради паднати дрвја и обилен снег затворени се повеќе патишта и оштетено е едно возило, соопштија од информативниот центар на Дирекцијата за заштита и спасување.
Според најавите на надлежните служби, врнежите се очекува да престанат вечерва.