Словенија, која е членка на еврозоната, очекува Грција денеска да изнесе нов предлог, но нема да се согласи на „експерименти од грчката Влада“, соопштија властите во Љубљана.
Во соопштението се наведува дека словенечкиот премиер Миро Церар ќе присуствува на утрешната средба на Еврогрупата во Брисел, „каде тој очекува нов предлог од страна на грчката Влада, кој ќе биде прифатлив за Грција и ЕУ и ќе се заснова на убедлив план за структурни реформи во земјата“.
– Словенечката Влада нема да се согласи на никакви експерименти од страна на грчката Влада, кои немаат за цел искрено и конструктивно постигнување договор за финансиска помош на Гррција, се додава во текстот.